Бүгін 15.09.2025 күні Жаңаөзен политехникалық колледжінде жасөспірім студенттермен түсіндіру жиналысы өтті.

Жиналыста полиция аға лейтенанты, аға инспектор Ершуақова Айнұр Бауыржанқызы және полиция майоры Бисекенова Ләззат Дүйсенбайқызы жастарға маңызды ақпараттар берді.

Кездесу барысында студенттерге:

22:00-ден кейін көшеде жүрмеу керектігі,

ерте жүктіліктің салдары мен оның болашаққа әсері,

жастардың құқықтары мен міндеттері,

тәртіп бұзудың жауапкершілігі

туралы кеңінен түсіндірілді.

Мақсат – жасөспірімдердің санасын оятып, болашағына бей-жай қарамауға, қауіпсіздік пен тәртіпті бірінші орынға қоюға шақыру.

Осындай кездесулер жастарға ой салып, өз өміріне жауапкершілікпен қарауға, дұрыс таңдау жасауға жол ашады. 

https://www.instagram.com/reel/DOnSbpSCO3R/?igsh=ajhmOHl2cm1hMm5t 

Политехникалық колледждің психологы Несіпбаева Жанар Абайқызы сарбаздарға психологиялық тренинг өткізді.

Тренинг барысында әскери қызметшілердің психологиялық тұрақтылығын арттыру, стресске қарсы тұру дағдыларын дамыту және ұжымдағы өзара түсіністік пен сенімді нығайту бағытында арнайы жаттығулар жүргізілді.

Мұндай шаралар сарбаздардың моральдық-жауынгерлік рухын көтеріп, қызмет барысындағы психологиялық дайындықты жетілдіруге ықпал етеді. ????????

Мықты рух – сенімді қорған! 

https://www.instagram.com/reel/DOlBx2_jP5j/?igsh=NHRzeDFsNmt6bGw5 

10.09.2025 күні колледжімізде 1 курстар арасында ата-аналармен жоспарлы жиналыс өтті. Жиын барысында оқу процесінің барысы, студенттердің үлгерімі мен тәртібі, сондай-ақ тәрбиелік іс-шаралар кеңінен талқыланды.

Ата-аналар тарапынан ұсыныстар айтылып, бірлескен шешімдер қабылданды. Жиналыстың мақсаты – ата-ана, студент және колледж арасындағы байланысты нығайтып, сапалы білім мен тәрбие беру жолында ортақ жұмыстарды айқындау болды.

Кездесу нәтижелі өтіп, алдағы атқарылатын жұмыстардың бағыттары нақты белгіленді. 

https://www.instagram.com/p/DOfwRj6jAXD/?igsh=Y3VxdDlkMzVieWxz 

https://www.instagram.com/reel/DOV_53ziMWZ/?igsh=MTMwYWd3aWx0a3I0 

5 қыркүйек – Қазақстан халқы тілдері күні аясында Жаңаөзен политехникалық колледжінде жалпықазақстандық ашық диктант өтті.

Бұл шараның басты мақсаты – мемлекеттік тілдің мәртебесін арттыру, жастардың сауаттылық деңгейін көтеру және тілге деген құрметті қалыптастыру.

Биылғы диктант ерекше маңызға ие болды, өйткені ол қазақтың ұлы ақыны, ойшылы Абай Құнанбайұлының 180 жылдығына арналды. Ұлттың рухани қазынасына айналған Абай мұрасы – тіл мен мәдениеттің мәңгілік құндылығын айқындай түседі.

Осындай бастамалар ел бірлігі мен рухани тұтастықтың жарқын көрінісі болып отыр. 

https://www.instagram.com/p/DOQatgWDDUQ/?igsh=MThtbmc1N29uMWc1cQ== 

Осы мерекеге орай Республика бойынша жалпықазақстандық ашық диктант өткізіледі. Биылғы шараның ерекшелігі – қазақтың ұлы ойшылы, ақын Абай Құнанбайұлының 180 жылдығына арналуы.

Тіл – татулық пен бірліктің тірегі.

https://www.instagram.com/p/DOLvIoKjITm/?igsh=ZDh6dXMydmM2ZzV4

Рақмет!

Басшының ақпараттық технологиялар жөніндегі орынбасары                    Бекмембетова К.У. 

Калуга қаласында өткен кәсіби шеберлік чемпионатында топ жарып, жүлделі орын иеленген оқытушымыз бен жеңімпаз студентімізді колледжімізде ерекше қошеметпен қарсы алдық. Дәліз бойына сап түзеген ұстаздар мен студенттер ыстық ықыласын білдіріп, жеңімпаздарға құрмет көрсетті. 

Бұл сәт – тек бір студенттің жетістігі емес, тұтас ұжымның еңбегі мен бірлігінің нәтижесі. Осындай қуанышты күндер колледж тарихында жарқын із қалдырады. 

https://www.instagram.com/reel/DOLNlHcjz9g/?igsh=ZzJ6OGdqMDM0ZGt3 

02.09.2025 ж өткізілген «Адал адам. Адал еңбек. Адал табыс» тақырыпты кураторлық сағат өткізілді. Мақсаты: адамның адамгершілік қасиеттерін қалыптастыру; шындық пен адалдық өтірік пен адалдықтың мағынасына қарама - қарсы сөздер екенін түсіндіру, балалардың даралығы мен субъективтілігін, шығармашылық және коммуникативті қабілеттерін дамыту, өмірлік тәжірибені байыту. Өткізген: Алиев Руслан, Несипбаева Жанар Алдабергенова Г.К., Балхаева Г.Н., Өтеш Н. 

https://www.instagram.com/reel/DOFrilQCAZj/?igsh=MWw0dTR6bW14Mm5sdA==

Жаңаөзен политехникалық колледжінің оқу-жұмыс жөніндегі орынбасары Байкүренова Гүлжанат Хасанқызы
Мемлекеттік рәміздер күніне орай колледж ұжымын құттықтап, мемлекеттік рәміздердің — Туымыздың Елтаңбамыздың және Әнұранымыздың — елдік рухымызды көтеріп, бірлігімізді нығайтудағы маңызды рөлін ерекше атап өтті. Ол ұжымға патриоттық сезім, бірлік пен ынтымақ тілеп, рәміздерімізді әрдайым қастерлеуге шақырды. 

https://www.instagram.com/reel/DKeHCp_ooeM/?igsh=MWlhNWloZ3dhMDhnaQ== 

4 маусым – ҚР Мемлекеттік рәміздер күні
Бүгінгі көрме — Елтаңба, Ту, Әнұран сынды қастерлі рәміздеріміздің тарихы мен мән-мағынасын дәріптеуге арналды.
Көрме барысында келушілер ұлттық рәміздердің шығу тарихымен танысып, фотозоналар, қолөнер бұйымдары мен архивтік материалдарды тамашалады.

Мемлекеттік рәміздер — ел тәуелсіздігінің белгісі, ұлт мақтанышы! 

https://www.instagram.com/reel/DKgY4gWo-cS/?igsh=MTdjOGhieDZmM2h2Zg==